Dr Deo Debattista twieled fl-24 ta’ Lulju 1963. Huwa qatta’ tfulitu u żogħżitu fil-Belt Valletta flimkien mal-ġenituri tiegħu, Carmen u John, u ma’ ħuh iż-żgħir Charles. Huwa beda l-edukazzjoni tiegħu fil-Kulleġġ San Albert il-Kbir fil-Belt Valletta, kompla l-istudji tiegħu fil-Liċeo l-Gdid Ġan Franġisk Abela u fl-Università ta’ Malta, minn fejn iggradwa bħala tabib fil-Mediċina u l-Kirurġija fl-1988.
Dr Debattista ilu attiv fil-politika mill-2012. Huwa kkontesta b’suċċess l-ewwel Elezzjoni Ġenerali tiegħu fl-2013 u, sal-lum, ġie elett mill-Ewwel Distrett Elettorali. Bejn l-2017 u l-2022, huwa ġie fdat bil-kariga ta’ Segretarju Parlamentari responsabbli minn Valletta 2018, il-Ħarsien tal-Konsumatur, it-Tindif Pubbliku, l-Awtorità Maltija għall-Mediċini, in-Network tal-Laboratorji ta’ Malta, il-Bord Nazzjonali tal-Akkreditament u l-Protezzjoni tad-Data.
It-tabib Deo Debattista, li ħadem dejjem bħala tabib tal-familja, huwa wkoll assessur mal-Aġenzija Ewropea għall-Mediċini. F’Ġunju 2026, huwa nħatar Segretarju Parlamentari għal Anzjanità Attiva.
Huwa miżżewweġ lil Monica u missier ta’ żewġ ulied, André u Emma.